Istori

 

retrouvez toutes les informations de la culture provençale sur http://prouvenço.presso-free.fr

 

Lei gènt dóu Baou 

La mar de berro

sereno

 

 

"Lei gènt dóu Baou "

Sigués pas escalustra pèr l'escrituro dóu mot baus es coume aco que s'es toujour marca à Sant Chamas.

Tout l'an " Lei gènt dóu Baou " s'interesson à nosto lengo, à nosto culturo e obron pèr Prouvènço.

Mai quouro arribo lou mes de mars soun encaro mai atravali que lis estajan de la viloto espèron impacientamen li " 7 jour pèr Prouvènço "

Aquesto annado bono-di la bugado, la mostro sus la mar de Berro, aquelo sus la sau e lou printèms di museon " à la descuberto dóu patrimoni " avèn reüssi à interessa mai de cent enfant à la culturo nostro.

Pèr prepara li cant interpreta sus lou marcat e davans la coumuno, uno escoulano es ana mai que d'un cop dins lis escolo.

Don tèms di 7 jour,de dono de noste cous an anima un après-miejour prouvençau dins uno escolo meirenalo. Acò fugè mai que mai avaloura pèr li pichot, li mestresso e li famiho.

Coume li classo de primàri que se soun jouncho à quauquis uno de nòstis animacioun, la meirenalo souveto èstre mé nautre l'an que vèn.

Lis aculiren emé gau.

Cresian que " Lei fîeloa " (li fielouso) avien cabussa dins lou demembrié. Nàni !

afouga an aprouficha d'aquelo semano prouvençalo pèr li faire tourna-mai barrula dins li carriero de Sant Chamas. Osco.

Grand e pichot, jouine e vièi, sant chamassen d'aier e de vuei, la majo part d'éli a viscu une semano que semblavo pas is àutri semano,e nautre " gènt dóu baou " sian countent d'agué fa noste proun pèr acò, saren encaro aqui pèr li 7 jour de l'an 2000.

 

LA MAR DE BERRO

 

Avèn dins noste cor uno grando plaço pèr la mar de Berro que fuguè nostro aigo nourriguiero e li ribo de Sant-Chamas soun tant bello, anan vous li faire visita. Pér acò coumençaren pèr ana faire un tour sus la colo " de la Vierge "

Avèn uno visto dóu site meravilhouso di colo d'Istre que venon dins la mar, li colo blanco de la Nerto, lou roucas rouginas de Vitrolo, mai vous parlarai subre-tout di ribo d'eici. A man drecho, au pèd de la colo de grands aubre es ce que resto de la Poudriero que fuguè realo, naciounalo, republicano, impérialo, aro es barrado. Es lou counservatori dóu ribeirés que la fara sieuno. Anan à senestro vesen un pichot port de pescaire, aquèu es viei.Napouléoun embarcavo lou fourrage pèr si besto qu'èron en Italio, la Poudriero cargavo si petard e recevié si matèri proumiero, aro se vèse quàuqui barcasso de pescaire, de fielat que secon e de pescaire li pedasson.

Au bèu tems li targaire s'atrinon avans que de disputa aqui lou championnat.

A nòsti pèd un mouloun de mast e de velo es lou port de plasènço ié soun ranja de velié tradiciounau, de trimaran, de catamaran vaqui uno poulido recounvercioun de la ribo. l'avié un canié à coustat dóu lavadou la mar si vesié pas. Pièi mounte i'avié d'orto que lis ome travaiavon après sis ouro à la Poudriero i'a d'oustau. Fan leissa noste amiradou pèr proumena à l'orle de l'aigo, veire ço qu'aven pas vist. Per lou ribeirés arrivan au lavadou dis empesta. Perqué un noum parié ? degun lou saup mai se penso qu'èro aqui, luen dóu vilage que la bugado di malaut se fasié. Es aqui lou vertadié bord de mar. Vesen li neissoun de sourgènt que fan de marco dins la mar, es claro.. De l'autre man dóu camin se trobon siagno, roumi, jounc, engagno e forço saladello miravilhouso quouro es flourido, au mes de setembre se vese que de blu.

Passan la Touloubro qu'a fini de se radassa dins la plano pèr se debana dins la mar. Arrivan plan plan davans 1'usino E.D.F., es de segur pas poulido, pourrié estre piro. An garda la colo vertadiero d'un constat, de l'autre la pinedo, coume avans, davalo dins la mar ounte se trobo bèn assouta pèr uno digo, un pichot port de plasenço (E.D.F.).

Faù pas s'estouna se disèn à-n-aquéu quartié " Beau-rivage ". Lou camin es long, passan proche d'oulivié, d'oustau, i'a meme uno vièio usino, arrivan a d'ancian palun travaia es uno vignaredo, sian arriva à la "Fermo marino " bastido en ribo de Durançole. Es un pichot flume que vèn de Calissano e se jito dins la mar à Meraviho. S'arrestan aqui,de l'autro man du flume es BERRO.

La mar nostro es bello. Se fa plus de muscle mai li pescaire van encaro cala si fielat. l'a mai que mai de bateù, de plancho à velo, li pichots escoulan se fan lipeto émé lis " optimiste " saran de segur de Tiercelin o Peyron.

D'utilo e nourriguiero nosto mar es devengudo touristico.Bessai que lis ome de mar auran l'idèio de faire viéure lou vilage ? Pouden toujours pantaia e pensa que i'aura d'obro per touti li gent doù vilage.